ياااااااااااااحبي له

رحلت وزاد شوقي له يا حبي له يا حبي لـه

معذبني ومتعبني وربـي مـا قـدرت انسـاه
حبيبي ما خذٍ قلبي غصب عني وروحـي لـه

أحبـه والله أكرمنـي بحـبـه والحـمـد لله
حلالي بيني وبينـه مشاويـر وسفـر ليلـه

جبرني حالي الجاير على هـذا الشقـا والآه
سنة غايب عن عيوني وأنا محـروم تدليلـه

وهو مثلي شقي حاله أصيل الصبـر يتحـلاه
أجيه أيام معـدودة يغنـي لـي واغنـي لـه

نذوق من الفرح شهده وأشوف ان العنا وياه
احـاول أسعـده وأدري مواويلـي مواويلـه

وهو نفس الشعور يحس باللي جاي وااا ويلاه
نحاول نسقي اللحظه غـلا ونـزف ترتيلـه

ثوانيها تمـر ومـا وصلنـا منتهـى معنـاه
مشت ليله وجت ليله وأنا هاليوم كلـي لـه

ليالي عاشها عايش أرق والنوم مـا يهنـاه
يقول تحبني ؟ وأقول قلبك عندك احكـي لـه

اذا هو ما يحب اللي يحبه ليـه أنـا أهـواه
يطالع في عيوني والحكي ضاعـت مداهيلـه

سكن عطر الخجل قمة خدوده وأنور محيـاه
تبسم والرضا مليان قلبه صار عمـري لـه

وكل اللي مضى من طيش مـا والله يتعـداه
هو أجمل ما خلق ربـي ولا أفكـر بتبديلـه

نصيبي والله اكرمني أجل كيف أرتضي بسواه
تعاهدنا نعيش أفـراق ويـل الهجـر ياويلـه

سنين نعدها تمضي وهو نفس العهد عشنـاه
على وجهه ملامح حزن يشعل فيـه قنديلـه

يحاول يشعل البسمة ولكـن الحـزن غطـاه
وقرّب موعـد الفرقـا الا يـا قلـة الحيلـه

حبيبي ما أرتوى قلبه وقلبي ما روي من ماه
مثل كل عام هذا اليوم مـا نسلـم بهاديلـه

أحس ان الوداع المـوت ياحبـي يعيـن الله
وودعني ودمعه سال يحـرق قلـب منديلـه

وودعته وانا الغرقان في دمعي ودمـع بكـاه
سنة باغيب عن عينه غصب عني وش الحيله

صحيح ان الوداع الموت يا قلبـي فمـان الله

************

محبتك ملاك الورد